TOShKENT, 3 mar — Sputnik. Xarkov viloyatidagi Balakleya shahri ukrainalik millatchilardan ozod qilindi. Bu haqda Rossiya Mudofaa vazirligi rasmiy vakili general-mayor Igor Konashenkov ma’lum qildi.
Uning so‘zlariga ko‘ra, Rossiya Qurolli kuchlari harbiy operatsiyani muvaffaqiyatli davom ettirib, Chistopolye, Novopoltavku, Jovtnevoe aholi punktlarini o‘z nazoratlariga olishgan.
“Balakleya shahri millatchilar batalonlaridan ozod qilindi”, - dedi Konashenkov.
Balakleya — Ukrainaning Xarkov viloyati janubidagi shahar. Xarkovdan 84 kilometr uzoqlikda joylashgan. Shahar aholisi 30 mingga yaqin kishini tashkil etadi.
Rossiyaning Donbassdagi maxsus harbiy operatsiyasi
21 fevral kuni Rossiya prezidenti Vladimir Putin DXR va LXR rahbarlarining ular suverenitetini tan olishni so‘rab qilgan murojaatlariga javoban tegishli farmonlarga imzo chekdi. 24-fevral kuni esa Donbass hududida maxsus harbiy operatsiya boshlanganini e’lon qildi. Ushbu maxsus harbiy operatsiyaning maqsadi – Ukrainadagi harbiy infratuzilmani yo‘q qilish va uni millatchilardan tozalash.
Rossiya Mudofaa vazirligi xabariga ko‘ra, Rossiya Qurolli kuchlari aniq nishonga oluvchi qurollar yordamida Ukraina hududidagi harbiy obyektlarni yo‘q qilmoqda, shaharlariga, tinch aholiga zarba berilgani yo‘q.