TOShKENT, 2 mar — Sputnik. Tojikiston va O‘zbekistonni yangi turistik yo‘nalish bog‘laydi.
Turistlarga “Andijon – Qonibodam – Xo‘jand – Dushanbe – Samarqand – Buxoro – Qarshi” yo‘nalishi bo‘yicha poyezdda sayohat qilish taklif etiladi.
“So‘g‘d temir yo‘llari” DUK rahbari Ubaydullo Obidovning SputnikTj muxbiriga ma’lum qilishicha, poyezdlar allaqachon tayyor, pandemiya bo‘lmaganda bu loyihani ikki yil oldin ishga tushirish mumkin edi.
2019 yilda “Rohi Ohan” davlat unitar korxonasi va “O‘zbekiston temir yo‘llari” AJ o‘rtasida turistik poyezdlar tashkil etish bo‘yicha kelishuvga erishildi. Biroq bu qaror koronavirus pandemiyasi tufayli barbod bo‘ldi.
“Hozir vaziyat yaxshilandi, hukumatga murojaat qildik va umid qilamizki, bu yo‘nalish ishga tushadi”, - deb tushuntirdi Obidov.
Sug‘d temir yo‘li rahbari Sputnik Tojikiston bilan suhbatda sayyohlik yo‘nalishi ikki qo‘shni davlatning bir necha shaharlari: Andijon — Konibodom — Xo‘jand — Dushanbe — Samarqand — Buxoro — Qarshi orqali o‘tishini aytdi.
Yo‘lovchi poyezdlari bu loyiha uchun texnik jihatdan tayyorlangan.
Eslatib o‘tamiz, bundan 2-yil avval “Rohi Ohan” poyezdlari Xo‘jand – Moskva – Xo‘jand yo‘nalishida, shuningdek, Dushanbe – Moskva – Dushanbe va Ko‘lob – Moskva – Ko‘lob yo‘nalishlarida haftada bir marta harakatlanardi.
Biroq, COVID-19 pandemiyasi sababli 2019-yil oxiridan boshlab bu yo‘nalishda poyezdlari harakati to‘xtatildi.