Pekin sanksiyalardan mojarolarni hal qilish vositasi sifatida foydalanishni ma’qullamaydi, dedi Xitoy Tashqi ishlar vazirligi matbuot kotibi Van Venbin brifingda.
“Xitoy muammolarni hal qilish uchun sanksiyalardan foydalanishni qo‘llab-quvvatlamaydi, ayniqsa xalqaro huquqda hech qanday asosga ega bo‘lmagan bir tomonlama sanksiyalarga qarshi chiqadi”, - diplomat Xitoyning Rossiyani SWIFT’dan uzib qo‘yish pozitsiyasi haqidagi savolga javob berdi.
Shuningdek, u AQShdan Ukraina masalasini hal qilishda Xitoy va boshqa tomonlarning qonuniy huquq va manfaatlariga zarar yetkazmaslikni talab qildi.
G‘arb davlatlari yaqin kunlarda Rossiyaning ayrim banklarini SWIFT’dan uzib qo‘ymoqchi – YeI bu qarorni allaqachon kelishib oldi, u Yevropa Ittifoqining rasmiy jurnalida e’lon qilinganidan keyin kuchga kiradi.
Rossiya prezidenti Vladimir Putin 21-fevral kuni Donets va Lugansk xalq respublikalari suverenitetini tan olish haqidagi farmonlarni imzolagani, 24-fevralda esa Ukrainani qurolsizlantirish va neonatsistlarni yo‘q qilish bo‘yicha maxsus operatsiya boshlanganidan keyin AQSh va uning hamkorlari Moskvaga qarshi joriy etayotgan yangi sanksiyalar paketidagi choralardan biridir.