TOShKENT, 28 fev — Sputnik. Sputnik agentligi Yevropa Ittifoqida Russia Today telekanali va Sputnik agentligi saytlarini taqiqlash qarori to‘g‘risidagi xabar qilgan Yevropa komissiyasi rahbari Ursula fon der Lyayenga javob qaytardi.
“Biz Yevroittifoqiga yarim-yorti choralarda to‘xtab qolmasdan, birdaniga Internetni taqiqlashni taklif qilamiz”, - deya ma’lum qildi Sputnik matbuot xizmati.
So‘nggi kunlarda Sputnik saytlariga DDoS hujumi davom etmoqda. Xususan, Sputnik Polska, Sputnik᾽ning SNA nemis onlayn nashri va boshqa saytlar hujumga uchragashgani haqida ma’lum qilishdi.
Rossiya 21-fevral kuni DXR va LXR respublikalarini tan olishini e’lon qilgan va 24-fevral kuni Donbass hududida maxsus harbiy operatsiya boshlangan edi. Bunga javoban AQSh va Yevropa Ittifoqi, Britaniya, Kanada, Yaponiya Rossiyaga qarshi bir qator iqtisodiy, moliyaviy va boshqa cheklovlar kiritishni boshladi.
Rossiya prezidenti Vladimir Putin Ukrainadagi harbiy operatsiyaning maqsadi uning harbiy infratuzilmalari (demilitarizatsiya) va u yerdagi natsizmni (denatsifikatsiya) yo‘q qilish hamda sakkiz yil mobaynida genotsid qilib kelingan DXR va LXR aholisini himoya qilishdan iboratligini qayd etdi.
Putin Ukraina Qurolli kuchlari harbiylarini qurol-aslahalarini topshirishga chaqirdi. Ular jangovar harakatlar hududini monesiz tark etishlari va oilalari bag‘riga qaytishlari mumkin. Putinning so‘zlariga ko‘ra, xunrezlikdagi barcha javobgarlik Kiyev rejimi zimmasida bo‘ladi.
Rossiya Mudofaa vazirligi keyinroq faqat Ukraina hududidagi harbiy infratuzilmalarga zarba berilayotgani, tinch aholiga hech nima tahdid solmayotganini ma’lum qildi.