TOShKENT, 24 fev — Sputnik. O‘zbekistonda muddatli harbiy xizmatga navbatdagi chaqiruv boshlanadi. Bu haqda prezidentning tegishli qarori e’lon qilindi.
Unga ko‘ra, chaqirilish muddatini kechiktirish va chaqirilishdan ozod etilish huquqiga ega bo‘lmagan chaqiruv yoshidagi fuqarolari 2022-yilning mart-aprel oylarida muddatli harbiy xizmatga chaqiriladi.
Harbiy xizmatga yaroqli, shu jumladan, cheklovlar bilan yaroqli bo‘lgan hamda chaqirilish muddatini kechiktirish va chaqirilishdan ozod etilish huquqiga ega bo‘lmagan, biroq ushbu chaqiruv davrida Qurolli kuchlar (QK) safiga chaqirilmaydigan fuqarolar safarbarlik chaqiruvi rezervi xizmatiga olinadi.
Shuningdek, muddatli harbiy xizmatning belgilangan muddatini o‘tab bo‘lgan harbiy xizmatchilar 2022-yilning mart-aprel oylarida mamlakat QK rezerviga bo‘shatiladi.