TOShKENT, 24 fev – Sputnik. Belarus prezidenti Aleksandr Lukashenko G‘arb Rossiya qo‘shinlariga orqa tomondan zarba berish rejasi ishlab chiqilganini ma’lum qildi.
Lukashenko aytishiga ko‘ra, G‘arb Polsha va Litvada qo‘shimcha kuchlar to‘planayotgani to‘g‘risida “birlamchi ma’lumot” olgan. “Ularning maqsadi - Ukrainada mojaro boshlanganidan so‘ng, Belarus hududidan havo va yer orqali o‘tib, Rossiyaga qurolli kuchlarining orqa tomonidan zarba berish”, - dedi prezident.
“Men ularni o‘sha zahotiyoq ogohlantirgan edi – biz sotqin bo‘lmaymiz, biz rus odamlarga orqadan zarba berishga yo‘l qo‘ymaymiz”, - dedi Belarus rahbari respublika kuch ishlatar tizimlari vakillari bilan bo‘lgan uchrashuvda.
Eslatib o‘tamiz, 24-fevral kuni erta tongda Rossiya prezidenti Vladimir Putin Donbassda maxsus operatsiya o‘tkazish boshlangani haqida xabar qildi. Rossiya prezidenti u yerda vaziyat keskinlashganini, DXR va LXR Rossiyaga yordam so‘rab murojaat qilganini ma’lum qildi. Vladimir Putin Ukrainani okkupatsiya qilish niyati yo‘qligini, maqsad faqat uni demilitarizatsiya va denatsionalizatsiya qilish ekanini alohida ta’kidlab o‘tdi. Shuningdek Putin Ukraina harbiylariga rahbariyatning jinoyatkorona buyruqlarini bajarmaslikni va qurollarini qoldirib uylariga borishni so‘radi.
Keyinroq Rossiya Mudofaa vazirligi Ukraina shaharlari bo‘ylab hech qanday raketa, aviatsiya zarbalari bermayotganini, yuqori aniqlikda zarba beruvchi qurollar bilan Ukraina harbiy infratuzilmasi, qurol-yarog‘ omborlari yo‘q qilinayotganini ma’lum qildi.