TOShKENT, 17 fev — Sputnik. Kollektiv Xavfsizlik Shartnomasi Tashkiloti (ODKB) 2022-yilda Markaziy Osiyo davlatlarida bir qator harbiy mashg‘ulotlar o‘tkazadi.
“Qozog‘iston hududida KXShT qo‘shinlarining turli tarkibiy qismlarini tayyorlashni birlashtirgan holda qo‘shma va maxsus mashg‘ulotlar o‘tkazishni rejalashtirganmiz”, — dedi KXShT Birlashgan shtabi rahbari Anatoliy Sidorov.
Tojikistonda Markaziy Osiyo mintaqasi jamoaviy tezkor qo‘shinlari bilan “Chegara-2022” qo‘shma mashg‘ulotlari bo‘lib o‘tadi. Harbiy xizmatchilar xalqaro terrorchilik tashkilotlariga qarshi kurashishga qaratilgan mashqlarni bajarishadi.
“Yakuniy bosqichda Qirg‘iziston hududida KXShT tinchlikparvar kuchlari bilan “Buzilmas birodarlik-2022” qo‘mondonlik-shtab o‘quv mashg‘ulotlarini o‘tkazish rejalashtirilgan, uning davomida inqiroz zonasida mojarodan keyingi tartibga solish - tinchlikparvar operatsiya o‘tkazish orqali – xalqaro tinchlik va xavfsizlikni saqlash manfaatlari yo‘lida KXShT kollektiv xavfsizlik tizimining kuch va vositalaridan foydalanish vazifalari ishlab chiqiladi”, - deyilgan xabarda.