Bu haqda RIA Novostiga Toshkentdagi rasmiy doiralardagi manba ma’lum qildi.
Avvalroq OAVlarda Afg‘oniston yangi hokimiyati Qurolli kuchlari bosh shtabi boshlig‘i Qori Fasihuddin Fitratga tayanib, Tojikiston va O‘zbekiston bilan chegaradosh viloyatlarga 10 ming jangchi jo‘natilishi haqida xabarlar paydo bo‘lgandi.
Toshkentdagi manbaga ko‘ra, “Tolibon”* bosh shtab boshlig‘iga aloqador deb aytilgan bayonot – yolg‘on, chegara tomon hech qanday qo‘shinlarning harakati kuzatilayotgani yo‘q.
Ta’kidlanishicha, o‘tgan yilning dekabr oyida “Tolibon”* vakillari armiya bosh shtabi rahbari Fitratga tegishliligi aytilgan tvitterdagi sahifa soxta ekani haqida xabar bergandi.
Tolibon* mudofaa vaziri Muhammad Yoqub kecha RTAga bergan intervyusida Afg‘oniston hech qaysi davlatga tahdid solmasligini aytdi.
* terrorchilik faoliyati uchun BMT sanksiyalari ostida