TOShKENT, 15 fev - Sputnik. Alisher Navoiy shox ko‘chasining Paxtakor va Labzak ko‘chalari bilan kesishmasida avtomobillar harakati tartibi o‘zgaradi. Bu haqida Toshkent shahar hokimligi ma’lum qilmoqda.
Navoiy shox ko‘chasida tirbandliklarni kamaytirish, haydovchilar hamda piyodalarga qulaylik yaratish maqsadida malakali mutaxassislar guruhi rekonstruksiya loyihasini ishlab chiqdi.
Ta’mirlash ishlaridan so‘ng Alisher Navoiy shox va Paxtakor hamda Alisher Navoiy shox va Labzak ko‘chalari kesishmasi shunday ko‘rinishga ega bo‘ladi.
Ayni damda ushbu ko‘chalardan harakatlanayotganda ta’mirlash ishlarini inobatga olishingizni so‘raymiz, deyilgan xabarda.