Olma tarkibida ko‘plab vitaminlar va foydali moddalar mavjud. Biroq nutritsiolog Nadejda Sapkinaning RIA Novostiga ma’lum qilishicha, ushbu mevani ko‘p yeyish organizmga zarar keltiradi.
Mutaxassisning ta’kidlashicha, olma A, S, V1, V2, RR va E vitaminlari, magniy, fosfor, yod, temir, selen, kaliy, kalsiy va mis moddalariga boy. Meva saraton kasalligi kelib chiqish xavfini kamaytiradi, xotirani yaxshilaydi, immunitetni mustahkamlaydi va bo‘g‘imlar elastikligini yaxshilaydi.
Bundan tashqari, tarkibida V guruhi vitaminlari (riboflamin, tiamin, va vitamin V-6) tufayli nerv tizimi salomatligini oshiradi.
“Biroq ko‘p olma yeyish tish milklarini shikastlantirishi va kariyesga sabab bo‘lishi mumkin. Olma urug‘i tarkibida sianid ya’ni zahar bor. Shu sababli olma urug‘ini yeyish mumkin emas. Inson organizmi kam miqdordagi sianid moddasiga dosh berishi mumkin, biroq ko‘p miqdorda salomatlik uchun xavfli bo‘lishi mumkin”, - deydi shifokor.
Bir kunda ikkitadan ortiq olma iste’mol qilish mumkin emas. “Allergiyaga ta’sirchan insonlar va vaznini nazorat qiladiganlar yashil olma iste’mol qilganlari ma’qul”, - deydi Sapkina.