TOShKENT, 3 fev - Sputnik. Toshkentga 1-fevral kuni, Xitoyda ishlab chiqarilgan 20 ta elektrobus olib kelindi, deb xabar qilmoqda "Toshshahartransxizmat" AJ Axborot xizmati.
"Toshshahartransxizmat" AJga "YUTONG BUS SO., LTD" kompaniyasida ishlab chiqarilgan ekologik toza, har tomonlama qulay va zamonaviy bo‘lgan "ZK6126BEVG" rusumli 20 ta elektrobus keltirildi. Ushbu yangi, zamonaviy va qulay elektrobuslar tez kunlarda yo‘nalishlarga chiqariladi, - deyilgan xabarda.
Ma’lum bo‘lishicha, elektrobuslar bilan birga 10ta ularni quvvatlovchi uskunalar ham sotib olingan. Shuningdek "Toshshahartransxizmat" AJda elektrobuslarning texnik holatini kuzatish va ular bilan ishlash uchun ishchi guruh tashkil qilinib, uning tarkibiga 56 nafar xodim kiritilgan.