TOShKENT, 25 yanv — Sputnik. "Qodiriya" bosh suv inshooti o‘z faoliyatini qayta boshladi. 5-6 soat oralig‘ida quvurlar to‘lib bo‘lgach, odatiy ish rejimiga tushadi, deb xabar qildi Uy-joy kommunal xizmat ko‘rsatish vazirligi.
Bo‘zsuv inshootidan Yunusobod, Mirzo Ulug‘bek, Uchtepa, Shayxontohur, Olmazor tumanlariga va Chilonzor tumanining bir qismiga 3 soat ichida suv berish to‘liq tiklanadi.
Surxondaryo viloyatining Denov, Sariosiyo va Uzun tumanlarida ichimlik suvi ta’minoti to‘liq ishga tushdi.
Toshkent viloyatining Olmaliq, Angren, Chirchiq, Ohangaron shaharlari hamda Yuqori Chirchiq, Parkent, Bo‘stonliq tumanlarida ichimlik suv ta’minoti to‘liq ishga tushdi.
Sirdaryo viloyatidagi yirik Beshbuloq va Shimoliy suv inshootlari elektr ta’minoti bilan ta’minlandi va ishga tushirildi.
Shuningdek, vazirlik aholiga ogohlantirish bilan chiqdi:
Xonadon va binolardagi issiqlik tizimi va suv qurilmalariga e’tiborli bo‘ling;
Tizim ishga tushirilmoqda, ochiq qolgan jo‘mraklardan suv oqishining oldini oling;
Jo‘mraklarni yana bir bor ko‘zdan kechiring.