TOShKENT, 25 yanv — Sputnik. 2021-yil yakunlariga ko‘ra O‘zbekiston bo‘yicha o‘rtacha oylik ish haqi 3,2 mln so‘mni tashkil etmoqda. Bundan Davlat statistika qo‘mitasi hisobotidagi raqamlar darak bermoqda.
2021-yil yanvar-dekabr oylarida iqtisodiy faoliyat turlari bo‘yicha o‘rtacha oylik ish haqining eng balandi (8,2 mln so‘m) – bank, sug‘urta, lizing, kredit va vositachilik faoliyati sohasiga to‘g‘ri kelgan.
Bu axborot va aloqa (5,5 mln so‘m) va tashish va saqlash (4,3 mln so‘m), ta’lim (2,3 mln so‘m) sohasiga nisbatan sezilardi yuqori. Sog‘liqni saqlash va ijtimoiy xizmatlar ko‘rsatishda eng past (2,1 mln so‘m) oylik kuzatilgan.
Sanoat iqtisodiy faoliyat turi bo‘yicha o‘rtacha oylik ish haqining eng yuqori ko‘rsatkichi Navoiy viloyatida (5,9 mln so‘m), eng pasti esa Namangan viloyatida (2,2 mln so‘m).
Ta’lim iqtisodiy faoliyat turi bo‘yicha o‘rtacha oylik ish haqining eng yuqori ko‘rsatkichi Toshkent shahrida (3,4 mln so‘m), eng pasti esa Qashqadaryo viloyatida (2 mln so‘m).
Sog‘liqni saqlash va ijtimoiy xizmatlar ko‘rsatishdagi eng yuqori oylik Toshkent viloyatida (2,6 mln so‘m), eng pasti esa Qashqadaryo viloyatida (1,7 mln so‘m).