TOShKENT, 24 yanv — Sputnik. Telegram messendjeri asoschisi Pavel Durov Rossiya Markaziy bankining kriptovalyutalarni aylanishini ta’qiqlash to‘g‘risidagi bayonotiga izoh berdi.
Eslatib o‘tamiz, o‘tgan hafta oxirida Rossiya Banki mamlakat hududida kriptovalyutalarning oboroti va mayning faoliyatini ta’qiqlashni tavsiya qilgan edi. Shu bilan bir vaqtda bosh moliyaviy nazoratchi kriptovalyutaga ega bo‘lishni ta’qilamagan. Ushbu talablarga rioya qilmagan fuqarolarga nisbatan jarima qo‘llash rejalashtirilmoqda.
Durovning fikriga ko‘ra, bunday chelovlar "Rossiyadan IT-mutaxassislar chiqib ketishiga olib keladi va iqtisodning bir qator yuqori texnologiyali sohalarini barbod qiladi"
Telegram asoschisi bugungi kunda birorta ham rivojlangan mamlakat kriptovalyutalarni ta’qiqlamaganini aytib o‘tgan.
"Chunki bu - blokcheyn texnologiyalar rivojini cheklaydi. Ushbu texnologiyalar kelajakda insoniyat faoliyatning ko‘plab sohalarining xavfsizligini ta’minlashi mumkin. Moliyadan tortib san’atgacha.
"Rossiyaning qo‘shnilari Ukraina va O‘zbekiston rivojlangan mamlakatlar qatorida blokcheyn sohasida progrressiv qonunlarni qabul qilishmoqda. Ushbu davlatlar texnologik va iqtisodiy progressdan chetda qolishni istamaydi", - deydi Durov.
Uning so‘zlariga ko‘ra, bugungi kunda Rossiya - blokcheyn sohasida yuqori malakali mutaxassislar soni bo‘yicha yetakchilardan biridir. "Sohani chuqur mulohaza bilan boshqarilganda "mamlakatga xalqaro moliya tizimida kuchlarni muvozanatli taqsimlash - yangi iqtisodning yetakchi ishtirokchilardan biriga aylanish imkonini beradi", - deydi Pavel Durov.
Kriptovalyutalarni ta’qiqlash noqonuniy ishtirokchilarni to‘xtata olmaydi, lekin Rossiyadagi ushbu sohada qonuniy ishlayotgan ishtirokchilar faoliyatini tugatadi.