“Ko‘p miqdorda qaymoqli va sutli qahva iste’mol qilish qonda xolesterin miqdori ko‘p odamlarga mumkin emas”, - deydi Eleana Kaydanyan Eat This, Not That portaliga bergan intervyusida.
“Har kuni qahvaga qo‘shiladigan qaymoq va sut tarkibidagi to‘yingan yog‘lar organizmdagi xolesterin miqdoriga jiddiy ta’sir qilishi mumkin”, deydi u.
Shifokorning ta’kidlashicha, organizmda xolesterinning ko‘payib ketishi hech qanday belgi bermaydi, biroq vaqt o‘tgandan so‘ng birinchi navbatda yurak va tomirlar bilan bog‘liq jiddiy kasalliklarga sabab bo‘lishi mumkin.
Xolesterin miqdori qanday yog‘lar iste’mol qilinishiga bog‘liq. Masalan, qaymoq, kolbasa va qovurilgan ovqatlar tarkibidagi to‘yingan yog‘lar salomatlik uchun juda zararli. To‘yinmagan yog‘lar esa, aksincha foydali. To‘yinmagan yog‘lar manbai tariqasida mutaxassis avokado mevasini keltirib o‘tgan.