TOShKENT, 5 yanv — Sputnik. Aqtau xalqaro aeroporti xalqaro parvozlarni qabul qilishni va amalga oshirishni yopganligi munosabati bilan 2022-yil 5-yanvar kuni amalga oshirilishi rejalashtirilgan HY-9725/9726 Urganch-Aqtau-Urganch yo‘nalishi bo‘yicha muntazam qatnovlar bekor qilindi.
Bu haqda Uzbekistan Airways matbuot xizmati xabar qildi.
Ta’kidlanishicha, bu yo‘nalish bo‘yicha parvozlarni amalga oshirish kunlari haqidagi qo‘shimcha ma’lumot keyinroq taqdim etiladi.
“Yo‘lovchilar 5-yanvar kuniga Aqtauga bekor bo‘lgan parvozlar aviachiptalarining to‘liq qiymatini chipta sotib olingan joyda qaytarib olish yoki boshqa sanaga bepul qayta bronlash huquqiga egadirlar”, — deyilgan xabarda.