TOShKENT, 3 yanv - Sputnik. O‘zbekistonda so‘nggi 5 kundan buyon ketma-ket koronavirusdan o‘lim qayd etilmadi, deb xabar qilmoqda Sog‘liqni saqlash vazirligi.
"Shuningdek respublikada kasallanishlar soni kamayishda davom etmoqda: 2-yanvar kuni O‘zbekistonda 64 nafar kishida koronavirus infeksiyasi aniqlandi, ketma-ket beshinchi kun o‘lim holati qayd etilmadi", - deyilgan xabarda.
2022 yilybyu 2-yanvar holatiga ko‘ra, O‘zbekistonda koronavirus infeksiyasi qayd etilganlar soni 64 kishini tashkil qildi. Shu kunga qadar jami kasallanganlan - 199182 kishi.
Yangi kasallanish holatlarining: 19 nafari Toshkent shahrida, 13 nafari Samarqand viloyatida, 10 nafari Toshkent viloyatida, 5 nafari Buxoro viloyatida, 5 nafari Xorazm viloyatida, 3 nafari Namangan viloyatida, 3 nafari Andijon viloyatida, 3 nafari Farg‘ona viloyatida, 2 nafari Sirdaryo viloyatida, 1 nafari Surxondaryo viloyatida aniqlangan.
Respublika bo‘yicha sog‘ayganlar jami soni 196444 kishini tashkil etib sog‘ayish ko‘rsatkichi 98 %ni tashkil etmoqda.
Eslatib o‘tamiz, bugungi kunda O‘zbekistonda koronavirusga qarshi emlanish ham muvaffaqiyatli davom etmoqda.
31 dekabr holatiga ko‘ra, O‘zbekistonda jami 39 203 933 doza vaksina qo‘llanilgan. Ulardan: 1-bosqich emlanganlar - 18 838 626 kishini, 2-bosqichda emlanganlar - 13 507 790 nafarni va 3-bosqich emlanganlar 6 857 517 nafarni tashkil etgan.
Birinchi doza bilan emlanish ko‘rsatkichi emlanishi rejalashtirilgan qatlamga nisbatan 87,8 % tashkil qilmoqda.