TOShKENT, 30 dek – Sputnik. O‘zbekiston fuqarolari Yangi yil bayramini qanday kayfiyat va umidlar bilan kutib olishni rejalashtirayotganliklarini aniqlash uchun ijtimoiy so‘rov o‘tkazildi. Uni “Ijtimoiy fikr” jamoat fikrini o‘rganish markazi o‘tkazgan.
Bayram oldidan respondentlarning aksariyati (81,8 foizi) ko‘tarinki kayfiyatga ega. So‘rov ishtirokchilarining Yangi yil ularga yangi yutuqlar va quvonch olib kelishiga ishonchi komil.
Respondentlarning 92,4 foizi 2022-yilni o‘z uyida kutish va nishonlashni rejalashtirmoqda.
So‘ralganlarning aksariyati Yangi yilni o‘z oilasi bilan kutishadi — 97,3 foiz.
2021 yilda o‘zbekistonliklar COVID-19 pandemiyasining salbiy ta’sirini boshdan kechirganiga qaramay, respondentlarning yarmidan ko‘pi yakunlanayotgan yilni shaxsan o‘zi uchun xotirjam yil bo‘ldi, deb hisoblaydi.
Respondentlarning bir qismi ushbu yilning ham ijobiy, ham salbiy tomonlarini ta’kidlashdi. Ayrim respondentlar uchun 2021-yilda og‘ir davrlar ham bo‘lgan, lekin keyin hammasi iziga tushib ketgan.
So‘ralganlarning ko‘pchiligi kirib kelayotgan 2022-yildan faqat ro‘shnolik va yaxshilikni (76,9 foiz) yoki 2021-yildagiga qaraganda yanada yaxshiroq bo‘lishini (21,4 foiz) kutmoqda.
“Boshqacha qilib aytganda, so‘ralgan o‘zbekistonliklar kirib kelayotgan 2022-yilni ezgulikka ishonch va umid bilan kutishmoqda”, - deya xulosa qilingan xabarda.