TOShKENT, 27 dek — Sputnik. 2021-yil yanvar-noyabr oylarida salkam 668 ming xorijiy fuqaro Rossiya fuqaroligini oldi, deb xabar berdi IIV.
"Rossiya Federatsiyasi fuqaroligini olish to‘g‘risida qaror qabul qilingan shaxslar soni - 667 939 kishini tashkil etadi", - migratsiya holati to‘g‘risidagi asosiy ko‘rsatkichlarida qayd etilgan.
O‘tgan yilning shu davrida 563 342 nafar xorijlik Rossiya fuqaroligini qabul qilgandi.
Shuningdek, vazirlik yanvar-noyabr oylarida 72 884 kishi vatandoshlarni ko‘chirishga ko‘maklashish davlat dasturi ishtirokchisi bo‘lganini ta’kidladi.
Sentabr oyida Ichki ishlar vazirligi Rossiya fuqaroligini olishni xohlovchilar soni ortgani haqida ma’lumot bergandi. O‘sha vaqtda 500 mingdan ortiq odam ariza topshirgan, ularning yarmiga yaqini Donbass aholisi tashkil qildi.