TOShKENT, 23 dek – Sputnik. Xalqaro futbol federatsiyasi (FIFA) dekabr oyida terma jamoalarning yangilangan reytingini e’lon qildi.
O‘zbekiston terma jamoasi 2021-yilni reytingdagi 84-o‘rin bilan yakunlamoqda. Qolaversa, “oq bo‘rilar” Osiyo qit’asida 11-o‘rinni saqlab qolishgan.
Qo‘shnilardan Qirg‘iziston 96, Tojikiston 116, Qozog‘iston 119, Turkmaniston esa 133-o‘rinlarni band etgan.
Belgiya terma jamoasi hamon reyting yetakchisi. Braziliya faxrli 2-pog‘onani band etib turibdi. Fransiya esa kuchli uchlikdan o‘rin olgan.