TOShKENT, 22 dek – Sputnik. Qirg‘iziston prezidenti Sadir Japarov Otabek Umarovni mamlakatning faxriy yorlig‘i bilan taqdirlash to‘g‘risidagi farmonga imzo chekdi. Bu haqda “Kabar” nashri xabar bermoqda.
Hujjatga ko‘ra, Umarov Qirg‘iziston va O‘zbekiston o‘rtasida madaniyat va sport sohasidagi do‘stlik va hamkorlikni mustahkamlashga qo‘shgan katta hissasi uchun taqdirlangan.
Otabek Umarov 2020-yil fevralida Markaziy Osiyo MMA (aralash san’at) konfederatsiyasi rahbari, o‘sha yilning dekabrida esa Osiyo Olimpiya kengashi vitse-prezidenti etib saylangan edi.