TOShKENT, 17 dek — Sputnik. BMT Bosh Assambleyasi Rossiya Federatsiyasi tomonidan taklif qilingan natsizmni ulug‘lashga qarshi kurash to‘g‘risidagi rezolyutsiyani qabul qildi.
"Rasizm va irsiy diskriminatsiyaning har qanday ko‘rinishini olqishlaydigan natsizm va neonatsizmni ulug‘lashga qarshi qaratilgan hujjatni yoqlab 130ta davlat ovoz berishdi. Faqat AQSh va Ukraina qarshi ovoz berdi, yana 49ta davlat ovoz bermadi", - deyilgan xabarda.
Yangi rezolyutsiya davlatlarni Ikkinchi jahon urushi yakunlarini qayta ko‘rib chiqish, o‘sha vaqtlarda insoniyatga qarshi amalga oshirilgan jinoyatlarni inkor etishga qarshi choralar ko‘rishga chaqiradi.
Shuningdek, irsiy diskriminatsiyaning har qanday ko‘rinishini, jumladan qonunchilik darajasida ham bartaraf etishni talab qiladi.
Rezolyutsiya mualliflari natsizmni ulug‘lash va targ‘ib qilish holatlarini keskin qoralab, ushbu illatlarni ulug‘laydigan suratlar chizish, natsizmni ta’lim materiallariga kiritish, Ikkinchi Jahon urushi qahramonlari sharafiga qo‘yilgan yodgorliklarni tahqirlashni keskin qoralashgan.
Eslatib o‘tamiz, 2020-yilning dekabr oyida Rossiya natsizmni ulug‘lashga qarshi rezolyutsiyasining loyihasini qabul qilgan edi. O‘shanda ham hujjatga 130 davlat "ha" deb javob bergan, 51 davlat javob bermagan, AISh va Ukraina qarshi ovoz bergan edi.