TOShKENT, 13 dek - Sputnik. Ushbu yilning yanvar - sentabr oylarida Rossiyaga ishlash maqsadida eng ko‘p O‘zbekiston fuqarolari kelgan - 3 054 180 kishi, deb xabar qilmoqda Rossiya IIV.
Ikkinchi o‘rinda - Tojikiston (1 597 481 kishi), Qirg‘iziston (623 465 kishi), Armaniston (298 801 kishi) va Ozarbayjon (185 752 kishi),
Shuningdek turizm maqsadida kelganlar orasida eng ko‘p Belaruslar - 30 526 kishi. Germaniyadan ushbu maqsadda - 16 369 kishi, Ukrainadan - 15 293 kishi va BAAdan 12 414 kishi hamda Qozog‘istondan 11 192 kishi kirib kelgan.
O‘qish maqsadida kelayotganlar orasida ham O‘zbekistonliklar eng ko‘p - 59 233 kishi. Ushbu maqsadda kelgan Tojikiston fuqarolari - 58 964 kishi, Qozog‘iston fuqarolari 55 036 kishi, Turkmaniston fuqarolari - 34 955 kishi va Misrliklar 32 473 kishini tashkil qilgan.
Undan tashqari biznes maqsadlarda kelganlar orasida Xitoy fuqarolari 11 235 kishini, O‘zbekistonliklar 10 389 kishini Germaniya fuqarolari 10 320 kishini, Beloruslar 10 167 kishini va Qozog‘istonliklar 9889 kishini tashkil qilgan.