T️OShKENT, 7 dek - Sputnik. O‘zbekistonga olib kelingan vaksinalar umumiy soni 43 milliondan oshdi, deb xabar qilmoqda Sog‘liqni saqlash vazirligi.
Eslatib o‘tamiz, Kornavirusga qarshi kurash shtabi a’zosi, Sanitar-epidemiologik osoyishtalik xizmati rahbari o‘rinbosari Nurmat Otabekov biroz oldin O‘zbekistonda 18 yoshdan yuqori bo‘lgan emlanuvchilar soni 21 455 214 nafar kishini tashkil qiladi deb ma’lum qilgan edi.
Bugungi kunda O‘zbekistonga olib kelingan va ishlab chiqarilgan jami vaksinalar 43 107 478 dozani tashkil qilmoqda, - deyilgan xabarda.
Ulardan 32 431 838 dozasi ZF-UZ-VAC2001, 3 000 060 dozasi Moderna, 2 316 600 dozasi Pfizer/BioNTech, 2 254 480 dozasi AstraZeneca, 1 976 000 dozasi Sinovac va 1 128 500 dozasi "Sputnik V" vaksinalaridir.
Ushbu vaksinalardan 34 874 583 dozasi emlash jarayonlarida qo‘llanilgan. Undan 1-bosqich emlanganlar 17 917 259 nafarni, 2-bosqichda emlanganlar 11 209 081 nafarni, va 3-bosqich emlanganlar 5 748 243 nafarni tashkil qildi.
Undan tashqari O‘zbekistonda 467 680 nafar 12 yoshdan 18 yoshgacha bo‘lgan bolalar Pfizer vaksinasi bilan ixtiyoriy ravishda emlandi.