TOShKENT, 4 dek — Sputnik. O‘zbekiston prezidenti Shavkat Mirziyoyev Qozog‘istonga 5-6 dekabr kunlari bo‘lib o‘tishi rejalashtirilgan tashrifi oldidan "Kazaxstanskaya pravda" gazetasiga katta intervyu berdi.
Unda Shavkat Mirziyoyev O‘zbekistn va Qozog‘istonni "tabiiy hamkorlar" deb atadi va ikki respublika orasida yil sayin savdo sotiq hajmi o‘sib borayotganini qayd etdi.
Shavkat Mirziyoyev, xususan yil boshidan buyon O‘zbeikiston va Qozog‘iston orasida savdo-sotiq hajmi 40%ga o‘sganini va yil oxiriga qada iqtisodiy munosabatlar hajmi 4 milliard dollarga yetishi kutilayotganini ma’lum qildi.
"Bu ikki davlat munosabatlari orasidagi rekord natijadir, lekin hatto bu ham ham hali imkoniyatlarimiz chegarasi emas", - dedi Shavkat Mirziyoyev.
O‘zbekiston prezidenti aytishiga ko‘ra O‘zbekiston va Qozog‘iston orasidagi strategik hamkorlik so‘nggi yillarda katta amaliy mazmun bilan to‘lgan.
"Birgalikda mutlaq yangi ishonch va amaliy hamkorlik muhiti shakllanmoqda. Yillar davomida to‘planib qolgan muammolar o‘z yechimini topmoqda", - dedi O‘zbekiston prezidenti.
O‘zbekiston va Qozog‘iston - tabiiy iqtisodiy hamkorlar. Bizning iqtisodlarimiz bir birini to‘ldirib turadi. Respublikalarimiz orasida o‘zaro talabgir bo‘lgan mahsulotlar turi va sonini ko‘paytirish bo‘yicha ulkan imkoniyatlar bor, dedi Shavkat Mirziyoyev.
Eslatib o‘tamiz, Shavkat Mirziyoyev 5-6 dekabr kunlari Qozog‘istonga tashrif buyurishi rejalashtirilgan. Bu O‘zbekiston prezidentining saylovdan keyingi ikkinchi rasmiy tashrifi bo‘ladi.
Birinchi rasmiy tashrif 19-noyabr kuni Moskvaga amalga oshirlgan edi. Unda O‘zbekiston prezidenti Rossiya prezidenti Vladimir Putin bilan muzokaralar o‘tkazib o‘zaro savdo sotiq hajmi yil oxiriga qadar 7 milliard dollar bo‘lishi kutilayotganini va Rossiya va O‘zbekiston munosabatarida misli ko‘rilmagan natija ekanini qayd etgan edi. Shuningdek O‘zbekiston iqtisodiyotiga Rossiya tomonidan kiritlgan investitsiyalar miqdori 10 milliard dollardan oshib ketganini ma’lum qilgan edi.