TOShKENT, 4 dek - Sputnik. O‘zbekistonlik yoshlar Rossiya talabalar jamoasini rivojlantirishda faol ishtirok etmoqda.
Bu haqida Sputnik muxbiriga “Bizni Rossiya do‘stlashtirdi” forumi doirasida Xorijiy talabalar assotsiatsiyasi (AIS) prezidenti Vishal Sharma hikoya qilib berdi. Rossiya fan va oliy ta’lim vazirligi tomonidan tashkil qilingan Forum Kaluga viloyatida 1-3 dekabr kunlari bo‘lib o‘tdi.
Sharma aytishiga ko‘ra, forumda 33 mamlakatdan 47 nafar delegat ishtirok etdi. Ulardan uch nafari o‘zbekistonlik talabalar edi.
“Rossiyada ta’lim olish yil sayin ko‘proq o‘zbekistonlik talabalarni jalb qilmoqda, demak AIS ham rivojlanmoqda. Assotsiatsiya xorijdan kelgan talabalarga yangi muhitga tezroq moslashish uchun imkon yaratadi. O‘zbekistonlik talabalar Assotsiatsiyaning eng faol talabalardan biri”, - deydi Sharma.
Rossiya Ta’lim vazirligi ma’lumotiga ko‘ra, bugungi kunda Rossiya OAVlari va ularning filiallarida 43 mingga yaqin O‘zbekiston fuqarolari tahsil olmoqda.
“Rossiyada o‘zbekistonlik talabalar o‘qishdan tashqari ilmiy, madaniy va volontorlik faoliyatlarida ham ishtirok etmoqda. Uzoq chet el mamalkatlaridan kelgan talabalarga rus tilini o‘rganishga yordam berishmoqda. Albatta, bunda o‘zbekistonlik talabalarga Rossiya bilan umumiy tarix va mentalitet yordam bermoqda”, - deb hisoblaydi Sharma.
Undan tashqari o‘zbekistonlik talabalar so‘nggi ikki yil davomida COVID-19ga qarshi o‘tkazilayotgan tadbirlarda jiddiy yordam ko‘rsatishmoqda, deydi Rossiya Xalqlar do‘stligi universiteti Volontorlik markazi boshlig‘i Yevgeniya Raplova.
“Faqat bizning universitetda volontorlar umumiy soni mingga yaqin va ulardan 30% - o‘zbekistonlik talabalar, deydi markaz boshlig‘i. – Pandemiyaning eng boshidan beri talabalar ehtiyoji borlarga oziq-ovqat va kundalik ehtiyoj mollari sotib olishga yordam berib kelishmoqda”.
Bu yil O‘zbekiston va Rossiya orasida Ikkinchi ta’lim forumi bo‘lib o‘tdi. Uning doirasida 30 dan ortiq hamkorlik shartnomaldari imzolandi. Ushbu shartnomalar O‘zbekistonda inson kapitalini rivojlantirish davlatlar orasida madaniy aloqalarni rivojlantirishga xizmat qiladi, deydi Vishal Sharma.