TOShKENT, 3 dek — Sputnik. Rossiyalik olimlar “Aviandr” koronavirusidan keyin bezovtalikka qarshi dori ishlab chiqdi, hozir preparat sinovdan o‘tkazilmoqda.
2-bosqichdagi klinik tadqiqotlarda preparat yuqori samaradorlik va xavfsizlikni ko‘rsatdi, dedi RIA Novosti agentligiga “Avineyro” loyihasi tibbiy direktori Yelena Yakubova.
Bezovtalik koronavirusning eng keng tarqalgan asoratlaridan biri bo‘lib, bu ruhiy va kognitiv salomatlik muammolarining sezilarli darajada oshishiga olib keladi. Kasallik kundalik narsalar haqida doimiy, haddan tashqari tashvishlanish bilan tavsiflanadi. Butunjahon sog‘liqni saqlash tashkiloti ma’lumotlariga ko‘ra, mehnat qobiliyatini yo‘qotishga olib kelish bo‘yicha dunyoda oltinchi o‘rinda turadi. Dunyo bo‘ylab 300 milliondan ortiq odam ushbu kasallikdan aziyat chekmoqda.
8 haftalik terapiyadan so‘ng, Gamilton tashvish shkalasi bo‘yicha umumiy ball ikki baravarga kamaydi, shuningdek preparat ruhiy siqilishga qarshi ta’sirini ko‘rsatdi.