TOShKENT, 29 noya—Sputnik. O‘zbekiston hukumati “Gazli-Kogon” gaz quvurlari to‘rtinchi tarmog‘i kurilishi boshlandi, deb xabar qilmoqda Energetika vazirligi matbuot xizmati.
Umumiy uzunligi 140 km bo‘lgan yangi gaz quvuri tabiiy gazni Respublika shimolidan Jizzax, Sirdaryo, Toshkent viloyati hamda Farg‘ona vodiysiga gaz yetkazib berish uchun xizmat qiladi. U ishga tushganidan so‘ng tarmoqning gaz o‘tkazuvchanlik quvvati sutkasiga qo‘shimcha 25 mln. kub metrga oshadi.
Ayni damda “Gazli-Kogon” gaz quvurining to‘rtinchi tarmog‘ida 100 km lik masofadagi qurilish-montaj ishlari tugallangan. Obyektda 200 dan ortiq xodim faoliyat yuritmoqda, shuningdek, 80 ta maxsus texnika jalb qilingan.
Eslatib o‘tamiz, O‘zbekistonda 2021-2022 yillarda magistral gaz uzatish tizimini modernizatsiya qilish va samaradorligini oshirish dasturi amalga oshirilmoqda. Unga muvofiq, Respublika bo‘yicha 315 km magistral gaz quvuri qurilmoqda.
Jumladan, “Gazli-Kogon” magistral gaz quvuri bo‘ylab yangi, uzunligi 140 km, “Yangiyer-Ohangaron” gaz quvurida 95 km.ga teng, O‘rta Osiyoni Markaz bilan bog‘laydigan “SAS 2” bo‘ylab 80 km quvurlarini qurish rejalashtirilgan. Shuningdek, dastur doirasida 196 km uzunlikdagi magistral gaz quvurlari rekonstruksiya qilinadi hamda kapital ta’mirlanadi.
Aytish joizki, ayni damda "Gazli-Kogon" yo‘nalishida 3 ta tarmoq faoliyat yuritmoqda. Birinchi va ikkinchi tarmoqlar 1973-1983 yillarda ishga tushirilgan bo‘lsa, uchinchi tarmoq 2006-yilda faoliyatini boshlagan. Vazirlik ma’lumotlariga ko‘ra, bir sutkada mazkur magistral gaz quvuri bo‘ylab 35 mln kubometr tabiiy gaz yetkazib beriladi.