TOShKENT, 28 noya — Sputnik. Ashxobod shahrida o‘tayotgan IHT sammiti tadbirlari doirasida prezident Shavkat Mirziyoyev Pokiston prezidenti Orif Alviy va Tojikiston prezidenti Emomali Rahmon bilan alohida uchrashuv o‘tkazdi.
Mirziyoyev Alviy bilan O‘zbekiston-Pokiston ko‘p qirrali hamkorligini yanada kengaytirish masalalarini ko‘rib chiqdi.
Prezidentlar diqqat markazida Afg‘onistonda vujudga kelayotgan vaziyat bo‘ldi.
V Ashxabade prezident Shavkat Mirziyoyev provel vstrechu s prezidentom Pakistana Arifom Alvi.
Emomali Rahmon bilan bo‘lib o‘tgan uchrashuvda O‘zbekiston va Tojikiston yetakchilari strategik sheriklik munosabatlarini yanada mustahkamlash masalalarini ko‘rib chiqdilar. Keng ko‘lamli savdo-iqtisodiy hamkorlikni yanada mustahkamlash muhim ekani qayd etildi.
Ular sanoat, energetika, qishloq xo‘jaligi, transport, turizm va boshqa ustuvor sohalarda istiqbolli kooperatsiya loyihalarini amalga oshirishga alohida e’tibor qaratishdi.
Shuningdek, prezidentlar Markaziy Osiyo mintaqasidagi vaziyatning rivojlanishi yuzasidan ham fikr almashdilar.
Avvalroq Shavkat Mirziyoyev bu sammit doirasida turkmanistonlik hamkasbi Gurbanguli Berdimuhamedovbilan muzokara o‘tkazgan edi.