TOShKENT, 26 noya – Sputnik. Farg‘ona viloyati Qo‘shtepa tumanidagi bog‘cha binosidan bir nafar fuqaroning jasadi topildi. Bu haqda tuman hokimining qarorida ma’lumot berilgan.
Tuman IIV xabariga ko‘ra, jasad 20-noyabr kuni soat 07:00 larda tumanidagi Qo‘rg‘oncha mahallasidagi 27-maktabgacha ta’lim tashkilotidan topilgan.
Sud tibbiy ekspertizaning dastlabki xulosasiga ko‘ra, fuqaro is gazidan zaharlangan.
Tuman hokimining tegishli qarori bilan sodir bo‘lgan mazkur baxtsiz hodisani o‘rganish yuzasidan komissiya tuzilgan. Zarurat tug‘ilgan taqdirda baxtsiz hodisa sabablarini aniqlash uchun ekspertlar yoki qo‘shimcha mutaxassislar jalb etiladi.