TOShKENT, 25 noya — Sputnik. Rossiyadan birinchi “Agroekspress” poyezdi "Toshkent-Markaziy” vokzaliga yetib keldi, deb xabar qildi “O‘zbekiston temir yo‘llari” AJ matbuot xizmati.
Qayd etilishicha, loyiha O‘zbekiston va Rossiya o‘rtasida logistika koridorlarini rivojlantirish bo‘yicha ikki tomonlama hamkorlikni kengaytirish doirasida amalga oshirilgan.
“Sna” (Tambov, Rossiya) yuk stansiyasidan Qozog‘iston orqali tranzit holda muzlatkichli konteynerlarda yuklar olib kelindi.
“O‘zbekiston temir yo‘llari” AJ logistika va xalqaro transport koridorlarini rivojlantirish bosh boshqarmasi boshlig‘ining birinchi o‘rinbosari Rustam Muxamedovning so‘zlariga ko‘ra, agrosanoat kompleksining pilot konteyner partiyasi chegaradan o‘tish va bojxona brokerlarini sinovdan o‘tkazish imkonini berdi.
Bundan tashqari, yo‘lda yuk xavfsizligini, keyingi marshrut uchun nuqsonlarni bartaraf etish maqsadida tahlil qilish imkonini berdi, deb qo‘shimcha qildi ekspert.
“Agroekspress” - O‘zbekiston va Rossiya o‘rtasidagi o‘zaro tashqi savdoni rivojlantirish, eksport salohiyatini oshishi va mamlakatlar o‘rtasidagi yuk aylanmasi ko‘paytirish ko‘zda tutilgan.
Shu poyezd noyabr oyi oxirida O‘zbekistondan meva bilan Rossiyaga qaytishi kerak.