TOShKENT, 24 noya — Sputnik. Qozog‘iston Respublikasi harbiy delegatsiyasi Toshkentdagi “G‘alaba bog‘i”ga hamda "Chimon" tog‘ tayyorgarligi o‘quv-mashqlar markaziga tashrif buyurdi, deb xabar qilmoqda Mudofaa vazirligi.
Dushanba kuni Qozog‘iston mudofaa vaziri general-leytenant Murat Bektanov boshchiligidagi harbiy delegatsiyasi O‘zbekiston Mudofaa vazirligining "Chimon" tog‘ tayyorgarligi o‘quv-mashqlar markazi va va Qurolli Kuchlar akademiyasi faoliyati bilan tanishdi.
Mehmonlar ushbu markaz hamda yetakchi oliy harbiy ta’lim muassasasida harbiy xizmatchilarning kasbiy professional mahoratini takomillashtirishga qaratilgan moddiy baza va yaratilgan zamonaviy shart-sharoitlarni mehmonlar alohida e’tirof etishdi.
Ma’lumot uchun, Dushanba kuni Toshkentda O‘zbekiston mudofaa vaziri general-leytenant Bahodir Qurbonov Qozog‘iston mudofaa vaziri general-leytenant Murat Bektanovlar boshchiligidagi harbiy delegatsiyani qabul qilgan edi.
Uchrashuvda qardosh xalqlarning birdamligi, ikki tomonlama harbiy va harbiy-texnik hamkorlik masalalarining joriy holati hamda istiqbollari, mintaqaviy xavfsizlik masalalari muhokama etildi va maxsus hujjatlar imzolandi.
Shu kunning o‘zida Qozog‘iston harbiy delegatsiyasi poytaxtimizdagi "G‘alaba bog‘i” yodgorlik majmuasida bo‘lib, u yerdagi “Matonat madhiyasi” majmuasi poyiga gulchambar qo‘ydi, bog‘ ichidan o‘rin olgan "Shon-sharaf" muzeyidagi eksponatlar bilan yaqindan tanishdi.