TOShKENT, 21 noya — Sputnik. O‘zbekistonda “Qalqon” yengil zirhli avtomobillarni ishlab chiqarish boshlandi. Ular Mudofaa sanoati kompleksi korxonalaridan birida ishlab chiqarilmoqda.
Mudofaa sanoati davlat qo‘mitasi xabariga ko‘ra, yangi ishlab chiqarilgan zirhli avtomobil kuch ishlatar vazirlik va tegishli ekspert komissiya tomonidan barcha amaliy sinovlardan muvaffaqiyatli o‘tgan.
“Qalqon”ning taktik-texnik tavsiflari buyurtmachilar takliflari asosida yanada takomillashtirilgan. Mamlakat Qurolli kuchlarining talablariga va xalqaro tan olingan standartlar meyorlariga mos kelishi tasdiqlangan.
Hozir bu avtomobillar seriyali ishlab chiqarilib, O‘zbekiston Qurolli kuchlari bo‘linmalariga yetkazib berilmoqda.