TOShKENT, 20 – noya Sputnik. O‘zbekistonda har oy bir milliard dollar soliq yig‘ilmoqda, O‘zbekiston tarixida bunaqasi bo‘lmagan, dedi DSQ rahbari Sherzod Qudbiyev.
“Biz buni yanada katta faxr bilan aytayapmiz. Bugungi kunda soliq organlari har oy bir milliard dollardan ortiq soliq yig‘ayapti. , O‘zbekiston tarixida bunday narsa bo‘lmagan. 2020-yilning may oyida 700-720 million soliq yig‘ilayotgan edi”, - dedi Qudbiyev.
DSQ rahbarining so‘zlariga ko‘ra, bu albatta, iqtisodiy o‘sish, islohotlar va yangi soliq kodeksi ishlaganinining natijasidir.
Xo‘sh bu natijalarga qanday erishildi?
- Asosiysi – bu budjetni yoki qandaydir rejani to‘ldirish emas. Soliq organlari budjetni to‘ldirish rejasi bilan ishlamaydi. Biz 9oyda ham yillikda ham bunday ishlamadik. 2022-yilda ham budjet prognozi yoki o‘sha prognozni bajarish kerak degan nima bilan ishlamaymiz.
Bunday katta yig‘ilishda yolg‘on gapirib bo‘maydi. Men prognozni bajarish nuqtayi nazaridan yig‘ilsh o‘tkazmayman. Lekin biz boshqa narsani ta’minlashimiz kerak.
Qonun bilan belgilangan, ya’ni hisoblangan soliqlar (rus tilida aytganda nachisleniyega kirgan solqlar to‘lanishi kerak.
Soliq kodeksi bilan belgilangan tartiblar amalag oshirishib soliq ma’muriyati qat’iyligi qonun ijrosi muqarrarligi ta’minlanishi kerak. Soliq yuki hammaga teng bo‘lsa, hamma uchun biznes yuritishga teng sharoit yaratiladi. Mana shu bizning asosiy maqsadimiz, - dedi Qudbiyev.
Eslatib o‘tamiz, O‘zbekistonda ikki yil oldin QQS solig‘i kiritilgan edi. Undan tashqari soliq ma’muriyati jiddiy takomillashtirilib, Rossiya bilan hamkorlikda yangi soliq dasturlari, soliq xodimlarinring Moskvada malaka oshirishi yo‘lga qo‘yilgan edi.
Shuningdek, o‘tgan yilda soliq to‘lovchilar tomonidan odatda QQS solig‘idan qochish imkonini beradigan ayrim "kulrang" sxemalar DSQ tomonidan fon qilinib, unda ishtirok etgan minglab korxonalar hisob raqamlari muzlatib qo‘yilgan edi.