TOShKENT, 17 noya - Sputnik. O‘zbekistonning tog‘li hududlarida qor yog‘ishi sababli shu kecha kunduzda "Qamchiq" dovoni yo‘llarini ham qor qoplagan.
"Qamchiqavtoyo‘l" ixtisoslashtirilgan unitar korxonasi "Qamchiq" dovonidagi avtomobil yo‘llarida harakatni barqarorlashtirish maqsadida, avtomobil yo‘lida qum-tuz reagentlarini muntazam sepib, yo‘llarda toplangan qor uyimlarini tozalab turishibdi.
Xabarda aytilishicha, korxona tomonidan qor tozalash va reagentlarni asfaltga sepishda jami 121 ta texnika vositalari hamda 350 ga yaqin ishchi xodim safarbar qilingan.