TOShKENT, 13 noya — Sputnik. G‘arbiy Avstraliya universiteti olimlariga ko‘ra, qora choyni muntazam ichish gipertoniya bilan kurashishga yordam beradi. Tadqiqot natijalari American Journal of Clinical Nutrition jurnalida chop etildi.
Mutaxassislar mashhur ichimlikning sistolik qon bosimi yuqori bo‘lgan erkaklar va ayollarga ta’sirini o‘rganishdi. Ishtirokchilar kuniga uch stakan qora choy yoki flavonoidsiz kofeinli ichimlik ichishdi. Ularning sog‘lig‘i birinchi kuni va uch va olti oydan keyin baholandi.
Ma’lum bo‘lishicha, choy, ikkinchi ichimlik bilan solishtirganda, sistolik va diastolik bosimni barqarorlashtirishga ko‘proq ta’sir qiladi. O‘zgarishlar kunduzi kichik bo‘lsa-da, kechasi ular o‘n foizga kamaydi. Bu ta’sir tajribaning birinchi kunidayoq o‘zini namoyon qildi va olti oy davom etdi, shu bilan birga u subyektlarning qon bosimi va yurak urish tezligining dastlabki darajasiga bog‘liq emas edi.
"Tadqiqot natijalari shuni ko‘rsatdiki, qora choyning ma’lum bir tarkibiy qismi kofeindan tashqari, tungi vaqtda qon bosimining o‘zgarish tezligiga ta’sir qilishi mumkin", - deb xulosa qildi tadqiqot mualliflari.