TOShKENT, 12 noya — Sputnik. Keldish nomidagi amaliy matematika instituti Yerga uchayotgan noma’lum potensial xavfli asteroidni aniqladi. RIA Novosti.
"Yerga yaqinlashayotgan yangi asteroid topildi! Rossiya Fanlar akademiyasining M.V.Keldish nomidagi amaliy matematika instituti xodimi Yelenin Leonid Abastumani rasadxonasida AS-32 teleskopi tomonidan olingan suratlarda Yerga yaqinlashayotgan yangi asteroidni aniqladi”, - deyilgan xabarda.
Asteroid dastlabki 2021 UL17 deb belgilangan. Payshanba kuni u Yerdan 18 million kilometr uzoqlikda uchib o‘tdi (masalan, Oygacha bo‘lgan masofa 380 ming kilometr).
“Ayni damda potensial xavfli obyekt harakatining trayektoriyasi aniqlanmoqda”, — deb ma’lum qilindi rasadxonada.