TOShKENT, 10 noya — Sputnik. Tashqi mehnat migratsiyasi agentligi xorijda mehnat faoliyatini amalga oshirayotgan 7 ming 992 nafar mehnat migrantiga huquqiy yordam, 288 ming 352 nafariga maslahat xizmatlari, 6 ming 194 nafariga ijtimoiy yordam, 10 ming 951 nafariga moddiy yordam ko‘rsatdi.
Xususan, 5 ming 984 nafar mehnat migrantiga bir martalik moddiy yordam ajratildi.
308 nafar mehnat migranti vaqtincha xostelga joylashtirildi.
Xorijda vafot etgan 361 nafar fuqaro jasadi olib kelindi.
408 nafar xorijda qiyin ahvolda qolgan fuqarolar qaytarildi.
Og‘ir tan jarohati olgan 12 nafar mehnat migrantining tibbiy xizmat xarajatlari qoplab berildi.
Mehnat migrantlarining ish beruvchilar tomonidan to‘lanmay turgan qariyb 892,1 ming AQSh dollari miqdoridagi ish haqi va pullik kompensatsiyalari undirib berildi.