TOShKENT, 8 noya – Sputnik. O‘zbekiston boks bo‘yicha kattalar o‘rtasidagi JCh - 2023 musobaqasiga mezbonlik qiladi.
Serbiya poytaxti Belgrad shahrida O‘zbekiston boks federatsiyasi raisining birinchi o‘rinbosari Saken Polatov JCh mezboni uchun beriladigan bayroqni qabul qilib oldi.
25 oktabr - 6-noyabr kunlari Belgradda boks bo‘yicha erkaklar o‘rtasida Jahon chempionati o‘tkazildi. Musobaqa yakuniga ko‘ra, o‘zbekistonlik bokschilar 1 ta kumush va 1 ta bronza medaliga sazovor bo‘lishdi. Jahon chempionatida Abdumalik Xalakov kumush, Madiyor Saidrahimov esa bronza medalini qo‘lga kiritdi.
O‘zbekistonlik bokschilar ushbu musobaqada umumjamoa hisobida o‘ninchi o‘rinni egallashdi. Rossiyaning Yekaterinburg shahridagi 2019-yilgi JChda umumjamoa hisobida birinchi bo‘lishgandi.