TOShKENT, 4 noya - Sputnik. Joriy yilning
TOShKENT, 4 noya - Sputnik. Ushbu yilning 9 oyida O‘zbekiston vino mahsulotlari eksporti oshdi, deb xabar qilmoqda Senat matbuot xizmati.
"Joriy yilning 9 oyi davomida eksport hajmini oshirish va geografiyasini kengaytirish maqsadida 38,8 mln dollarlik mahsulot eksport qilingan", - deb xaar qilindi Senatning bugun bo‘lib o‘tgan Agrar, suv xo‘jaligi masalalari va ekologiya qo‘mitasining yig‘ilishida.
Statistika qo‘mitasi xabariga ko‘ra, o‘tgan 2020-yilning 8 oyida O‘zbekiston vino va vino mahsulotlari eksporti 12 mln. dollar atrofida bo‘lgan
Aytish joizki, so‘nggi yillarda O‘zbekistonda vinochilikni rivojlantirishga hukumat tomonidan jiddiy e’tibor qaratilmoqda. Xususan, 10 700 gektar maydonda yangi sanoatbop tokzorlar barpo etilgan.
Shuningdek, vinochilikni rivojlantirish agentligiga 2020-yilda 33,4 mlrd so‘m, 2021-yilning 9 oyida - 9 mlrd so‘m subsidiya mablag‘i ajratilgan.
O‘zbek milliy brendi yaratish bo‘yicha 110 ta tovar belgisi va mahsulot milliy nomlari patentlangan hamda 8 xil meva-rezavorlardan tayyorlangan vino mahsulotlari ishlab chiqarilishi yo‘lga qo‘yilgan.