TOShKENT, 3 noya — Sputnik. Pensiya va nafaqa oluvchi shaxslar davlat pensiya ta’minoti sohasida axborotni olishi mumkin bo‘lgan maxsus @pensiyauzbot Telegram-boti ishlab chiqildi. Bu haqda Moliya vazirligi xabar bermoqda.
Bot orqali pensiya va nafaqa oluvchi shaxslar individual ravishda quyidagi ma’lumotlarni olishlari mumkin:
pensiya tayinlanganlikligi haqida ma’lumotlar;
pensiya to‘lovi bo‘yicha ma’lumot;
pensiya va nafaqa tayinlash uchun zarur hujjatlar.
Shuningdek, maxsus Telegram-bot orqali pensiya jamg‘armasiga murojaat yo‘llash imkoniyati ham yaratilgan. Qolaversa, kelgusida shaxsiy jamg‘arib boriladigan pensiya hisobi xaqida ma’lumotlarini olish rejalashtirilgan.
Botdan to‘liq foydalanish uchun faqatgina pensiya jamg‘armasi ro‘yhatida mavjud hamda "SMS-Pensiya" interaktiv xizmatiga ulangan fuqarolar foydalanishi mumkin.