TOShKENT, 28 okt — Sputnik. Buyuk Britaniyada sujet tayyorlayotgan CNN jurnalisti Anna Stuartni kurka orqasidan cho‘qib oldi. Kulgili videoni jurnalist ayol Twitterda e’lon qilgan.
Voqea Esseks grafligida, suratga olish guruhi Rojdestvo bayramiga kurka go‘shti taqchil bo‘lishi ehtimoli haqida sujet tayyorlayotganida ro‘y bergan. Kadrlarda Stuart kurkalar orasida turgan holda stendap yozmoqchi bo‘lgan. Ammo ayol kameraga qarab gapirishni boshlashi hamon, kurkalardan biri uning ketini cho‘qib olgan. Jurnalist qichqirib yuboradi, shu vaqt, kurkalar xuddiki boshlovchining ustidan kulayotgandek baralla o‘zlariga xos ovoz bilan qurillay boshlashadi.
"U meni ketimdan tegindi", — deydi kulgidan o‘zini tiyolmay Stuart.
Keyinchalik jurnalist videoni Twitterda e’lon qiladi.
"Kurkalar chindan ham meni ustidan kulishni rejalashtirgan ekan, bunga shubham qolmadi", — deb yozadi ayol ijtimoiy tarmoqda.
Video katta tezlikda internetda ommalashib ketdi. Hozirda uni milliondan ortiq kishi tomosha qilgan.