TOShKENT, 26 okt – Sputnik. 26-30 oktabr kunlari Nukusda O‘zbekistonning ShHTga raisligi doirasida Shanxay hamkorlik tashkilotiga a’zo davlatlar Milliy koordinatorlari kengashining birinchi yig‘ilishi bo‘lib o‘tadi.
“Dunyo” AA xabariga ko‘ra, uchrashuv davomida 2021-2022 yillarda O‘zbekiston raisligining ustuvor yo‘nalishlari va ShHT doirasidagi yirik tadbirlar rejasini muhokama qilinadi.
ShHTga a’zo davlatlar Milliy koordinatorlarining O‘zbekiston tashqi ishlar vazirligi rahbariyati bilan jamoaviy uchrashuvi bugun o‘tkazilishi rejalashtirilgan.
Eslatib o‘tamiz, 17-sentabr kuni Dushanbe sammiti yakunlari bo‘yicha ShHT raisligi O‘zbekistonga o‘tgan edi.