TOShKENT, 25 okt – Sputnik. Oliy va o‘rta maxsus ta’lim vazirligi talabalarning uch haftalik ta’tilga chiqishi haqidagi xabarni rad etdi.
Avvalroq ijtimoiy tarmoqlarda talabalarning 25-oktabrdan 3 haftalik ta’tilga chiqishi haqida xabar tarqalgan edi.
Vazirlik bu kabi xabarlar hech qanday asosga ega emasligini ma’lum qildi.
Vazirlik ijtimoiy tarmoq foydalanuvchilarini yolg‘on, asossiz xabarlarga ishonmaslikka chaqirgan va yolg‘on xabar tarqatganlik uchun jinoiy javobgarlik borligini eslatgan.