TOShKENT, 18 okt – Sputnik. AQSh Mudofaa vazirining maxsus operatsiyalar va past darajadagi nizolar bo‘yicha yordamchisi Kristofer Mayer O‘zbekistonda chegara xavfsizligi masalalari bo‘yicha muzokaralar o‘tkazdi. Bu haqda AQShning O‘zbekistondagi muhtor elchisi Daniyel Rozenblum o‘zining Twitter’dagi sahifasida ma’lum qildi.
"Mudofaa vaziri yordamchisi Kristofer Mayer boshchiligidagi idoralararo delegatsiyaning tashrifi davomida so‘nggi kunlar ichida O‘zbekiston hukumati bilan ikki tomonlama hamkorlik bo‘yicha samarali muzokaralarda qatnashganimdan va chegara xavfsizligi masalalarini muhokama qilganimdan juda mamnunman", – deb yozib qoldirgan elchi Twitter’da.
Avvalroq O‘zbekiston mudofaa vazirligi Pentagon vakillarini respublikaga tashrifi bo‘yicha rasmiy so‘rov olmaganliklari haqida xabar berilgandi.