Dunyoning yetakchi IT kompaniyalari O‘zbekistonga $1,4 million soliq to‘ladi

11:32, 15-Oktabr 2021
© AFP 2023 / DENIS CHARLET
Soliq tizimiga kiritilgan qulaliklar tufayli ikki yil ichida 28 ta xorijiy korxona,soliq to‘lovchi sifatida onlayn ro‘yxatdan o‘tdi. Ular orasida taniqli brendlar ham talaygina.
Sputnik
TOShKENT, 15 okt - Sputnik. Dunyoning yetakchi IT kompaniyalari O‘zbekiston g‘aznasiga 1,4 million dollar soliq to‘ladi deb xabar qilmoqda Davlat Solq qo‘mitasi.
️Joriy yilning 9 oyida Facebook 7,6 mlrd. so‘m, Google Commerce Ltd.– 4,6 mlrd. so‘m, Apple – 2,2 mlrd. so‘m, Netflix – 331 mln so‘m va Yandex – 256 mln so‘m soliq to‘ladi, - deyilgan xabarda.
Xabarda aytilishiga ko‘ra, 2021-yilda O‘zbekistonda 9 ta xorijiy kompaniya QQS to‘lovchi sifatida ro‘yxatga olingan. Bular – Vaskiani Ventures Limited (Kipr)), Google Cloud EMEA Limited (Irlandiya), Spotify AB (Shvetsiya), ADOBE (Irlandiya), DELSE, Inc. (AQSh), Scribd, Inc. (AQSh), LinkedIn Ireland Unlimited Company (Irlandiya), Google LLC (AQSh) va Microsoft Ireland Operations Limited (Irlandiya).
Shuningdek, O‘zbekistonda ikki yil ichida doimiy vakolatxonaga ega bo‘lmagan holda jismoniy shaxslarga elektron xizmat ko‘rsatuvchi 28 ta xorijiy kompaniya soliq to‘lovchi sifatida ro‘yxatdan o‘tgan. Ular orasida Booking.com B.V., Netflix International B.V., Apple, Facebook, Yandex, Huawei kabi taniqli brendlarni uchratish mumkin.
Ma’lumot uchun, O‘zbekiston Soliq kodeksida 2020-yil 1-yanvardan boshlab ro‘yxatga olishning yangi tartibi belgilangan edi hamda internet-kompaniyalari ro‘yxatdan o‘tishi uchun qulaylik yaratish maqsadida Soliq qo‘mitasi tomonidan onlayn ishlaydigan QQS-ofis ishga tushirilgan edi.
️Ushbu platforma xorijiy yuridik shaxslarga O‘zbekistonda QQS to‘lovchi sifatida ro‘yxatdan o‘tish uchun ariza berish, onlayn shaxsiy kabinetdan foydalanish, (hisobot taqdim etish va soliq to‘lash) shuningdek, soliqqa tortish bilan bog‘liq barcha savollarga javob olish imkonini beradi.
IqtisodfacebookSoliqDavlat soliq qo‘mitasi