TOShKENT, 13 okt — Sputnik. Terrorchilar allaqachon o‘z kiber bo‘linmalarini yaratmoqda, deb xabar beradi RIA Novosti Rossiya Xavfsizlik kengashi kotibi Nikolay Patrushevning Moskvada maxsus xizmatlar yig‘ilishida qilgan bayonotiga asosan.
Uning so‘zlariga ko‘ra, bu, masalan, qurolli to‘qnashuvlargacha bo‘lgan davlatlararo ziddiyatlarga olib kelishi mumkin.
"Shunda hujumning haqiqiy manbasini o‘z vaqtida aniqlashning murakkabligida ko‘rmoqdamiz, masalan, ular qurolli to‘qnashuvlargacha davlatlararo keskin to‘qnashuvlarga olib kelishi mumkin", - dedi Patrushev.
Qator davlatlarda joriy etilgan epidemiologik cheklovlar terrorchilar va jinoyatchilarning turli dasturiy vositalar va internet-texnologiyalaridan kengroq foydalanishga o‘tishiga majbur qildi.
Shu bilan birga, muhim infratuzilma obyektlariga hujumlari xavfi xakerlar guruhlarining tarqalish xavfini kuchaytiradi.
Bundan tashqari, NATO davlatlari, shuningdek, sun’iy intellekt texnologiyalarini ishlab chiqish, kiber mudofaa konsepsiyasini amalga oshirish va tajovuzkor kiber operatsiyalarni o‘tkazish uchun mo‘ljallangan maxsus koalitsiya tuzilmalarini yaratish kabi hujumkor axborot imkoniyatlarini jadal rivojlantirmoqda.
"Bunday faoliyat bizdan doimiy e’tibor va o‘z vaqtida mutanosib reaksiyani talab qiladi", - dedi Rossiya Federatsiyasi Xavfsizlik Kengashi kotibi.
Chorshanba kuni Rossiya poytaxtida MDH davlatlari xavfsizlik va razvedka xizmatlari rahbarlarining Hamdo‘stlik maxsus xizmatlarining xavfsizlik va barqarorlikni ta’minlash sohasidagi o‘zaro aloqalariga bag‘ishlangan uchrashuvi boshlandi.
Tadbirda O‘zbekiston delegatsiyasi hamda Ozarbayjon, Armaniston, Belarus, Qozog‘iston, Qirg‘iziston, Tojikiston va Turkmaniston vakillari ishtirok etmoqda.
Rossiya prezidenti Vladimir Putin ular bilan videokonferetsiya o‘tkazadi.