TOShKENT, 13 okt – Sputnik. Rossiyaning “Transmashxolding” xoldingi 13-oktabr kuni Toshkent shahriga yangi metro vagonlarining navbatdagi partiyasini yubordi. Bu haqda “O‘zbekiston temir yo‘llari” matbuot xizmati xabar berdi.
Qayd etilishicha, yangi metro vagonlarining barchasi Toshkent metrosining o‘ziga xos xususiyatlarini hisobga olgan holda ishlab chiqarilgan. Bu vagonlardan Toshkentda 4 ta vagonli 5 ta metro poyezdi shakllantiriladi. Endilikda Toshkent metropolitenida zamonaviy poyezdlar soni jami 60 vagonni, ya’ni 15 ta to‘rt vagonli poyezdni tashkil etadi.
“Metrovagonmash” va “Toshkent metropoliteni” 40 ta metro vagonini ishlab chiqarish bo‘yicha shartnomani 2021-yilning aprel oyida imzolangan edi.