TOShKENT, 9 okt — Sputnik. Moskva shahridagi xostellardan birida mehnat migrantining vafot etgani bilan bog‘liq holat yuzasidan Tashqi mehnat migratsiyasi agentligi ma’lumot berdi.
Moskva shahridagi xostellardan birida mehnat migrantining vafot etgani bilan bog‘liq holat O‘zbekiston Respublikasi diplomatik organlari va Tashqi mehnat migratsiyasi agentligining Moskva shahridagi vakolatxonasi tomonidan nazoratga olingan.
Olingan so‘nggi ma’lumotlarga ko‘ra, shifoxonaning jonlantirish bo‘limiga yotqizilgan 3 nafar fuqaroning ahvoli qoniqarli.
Ushbu holatlar bo‘yicha tergov tadbirlari rasmiy xulosasi olingach qo‘shimcha ma’lumot beriladi.
Shuningdek, Rossiya Federatsiyasi Amur viloyatidagi gazni qayta ishlash zavodida yuz bergan portlash va uning oqibatida yuzaga kelgan yong‘in yuzasidan O‘zbekiston Respublikasining Vladivostok shahridagi bosh konsulxonasi va Tashqi mehnat migratsiyasi agentligining Moskva shahridagi vakolatxonasi xodimlari tegishli tashkilotlar vakillari bilan tezkor aloqa o‘rnatdi.
Huquq tartibot idoralari taqdim etgan dastlabki ma’lumotlarga ko‘ra, ushbu fojea oqibatida jabrlanganlar orasida O‘zbekiston Respublikasi fuqarolari yo‘q.