Toshkent 29 sen - Sputnik. Bugun Toshkentda “Iqtisodiy islohotlar sarhisobi va istiqboli” mavzusida O‘zbekiston iqtisodiy forumi o‘z ishini boshladi, deb xabar qilmoqda Sputnik muxbiri.
Anjuman boshida Shavkat Mirziyoyevning forum ishtirokchilariga murojaati o‘qib eshittirildi. Unda prezident ushbu forum ijobiy natija olib kelishiga umid bildirdi.
“Xalqaro investorlar va hamkorlar uchun eshigimiz doim ochiq. Ishonamanki, mazkur forum mamlakatda amalga oshirilayotgan iqtisodiy islohotlarni batafsil tahlil qilish va baholash, mavjud muammolarni bartaraf etish uchun tizimli yechimlar va amaliy tavsiyalar ishlab chiqishga munosib platforma vazifasini o‘taydi”, - deyiladi murojaatnomada.
Shavkat Mirziyoyev, murojatanomasida, jumladan, kelgusi 5-yilda aholi jon boshiga YaIMni 1,6 baravar oshirish hamda 2030-yilga borib, aholi daromadlari o‘rtachadan yuqori davlatlar qatoriga kirish vazifalari belgilangani qayd etilgan.
Buning uchun islohotlarni izchil davom ettirish, raqobat muhitini kuchaytirish, davlat korxonalarini transformatsiya qilish, bank tizimi va kapital bozorini rivojlantirish uchun sharoit yaratish muhim, deyilgan prezident murojaatnomasida.